崇 基 應 林 堂
公 關 大 姐 大 請 吃 晚 飯 ， 席 設 莊 士 敦 道 杭 州 飯 店 ， 此 夜 不 談 公 關 ， 只 談 閒 事 、 逸 事 、 飲 食 事 ， 因 有 蔣 芸 、 蔡 瀾 、 張 大 姐 、 紫 微 楊 在 ， 更 有 梁 教 授 、 董 社 長 伉 儷 、 靚 女 Ｙ ， 幾 時 輪 到 左 丁 山 出 聲 呀 ， 一 於 聽 而 不 講 ， 猛 咁 袋 錢 落 自 己 袋 ， 食 得 高 興 。 如 此 場 合 ， 本 來 無 甚 火 花 ， 點 知 張 大 姐 講 起《 赤 壁 》 就 越 講 越 激 昂 ， 加 上 蔣 芸 一 早 為 文 撥 火 ， 於 是 變 成 「 三 國 演 義 」 ， 兩 位 女 將 大 戰 蔡 瀾 ， 口 沫 橫 飛 ， 認 真 精 彩 。 原 來 吳 宇 森 曾 經 請 教 過 蔡 瀾 如 何 適 應 市 場 ， 改 編 三 國 橋 段 ， 於 是 出 現 八 陣 圖 出 現 於 赤 壁 故 事 ！ 吳 宇 森 大 一 早 諗 住 《 赤 壁 》 在 美 國 及 外 國 上 演 ， 要 吸 引 美 國 觀 眾 ， 梗 係 注 重 打 鬥 場 面 ， 戰 事 連 場 啦 ， 至 於 三 國 歷 史 人 物 故 事 ， 美 國 人 之 認 知 ， 相 等 於 香 港 觀 眾 對 賓 虛 ， El Cid 之 認 識 ， 算 鬼 數 啦 。 張 大 姐 就 認 為 即 使 要 適 應 美 國 市 場 ， 吳 宇 森 改 編 仍 然 多 餘 兼 過 份 。
蔣 芸 數 在 座 十 一 人 之 中 ， 中 大 人 佔 七 位 ， 其 中 又 以 崇 基 四 人 為 多 數 ， 點 不 知 紫 微 楊 舉 手 話 ： 「 我 都 算 係 崇 基 ， 讀 到 三 年 級 下 學 期 先 至 退 學 ， 主 修 經 濟 ， 老 師 係 麥 健 增 ， 當 時 院 長 係 李 應 林 ， 最 初 港 島 上 課 ， 後 來 搬 入 馬 料 水 。 」 崇 基 第 一 屆 畢 業 生 冇 紫 微 楊 之 名 ， 原 來 佢 係 冇 畢 業 到 ， 現 在 睇 番 轉 頭 ， 可 能 崇 基 之 失 ， 倪 匡 亦 曾 在 聯 合 肄 業 ， 至 於 有 冇 畢 業 ， 左 丁 山 就 唔 知 ， 但 聯 合 書 院 認 佢 係 校 友 ， 仲 請 佢 返 聯 合 講 學 。
崇 基 學 院 紀 念 李 應 林 ， 有 一 座 宿 舍 建 於 一 九 五 八 年 ， 名 為 應 林 堂 ， 今 年 慶 祝 五 十 周 年 ， 舊 宿 生 在 《 蘋 果 日 報 》（ 七 月 二 十 六 日 ） 刊 登 半 版 廣 告 ， 十 分 矚 目 ， 廣 告 有 對 聯 云 ： 「 崇 高 浩 氣 揚 五 十 良 辰 不 負 海 山 共 應 ， 基 本 雄 姿 在 三 千 好 漢 曾 經 風 雨 同 林 。 」 曾 在 崇 基 讀 中 文 系 因 得 罪 教 授 而 畢 唔 到 業 之 中 文 Ｙ 來 電 云 ： 「 應 林 對 聯 可 稱 及 格 ， 但 唔 夠 工 整 ， 上 聯 崇 高 浩 三 字 皆 為 形 容 詞 ， 海 山 共 應 不 如 海 山 互 應 ， 下 聯 基 本 雄 姿 太 俗 ， 三 千 好 漢 似 梁 山 好 漢 ， 不 如 改 為 三 千 學 子 。 咁 啦 ， 上 聯 不 如 改 為 ： 崇 高 氣 節 揚 五 十 良 辰 不 負 海 山 互 應 ， 下 聯 就 係 ： 基 督 精 神 在 三 千 學 子 曾 經 風 雨 同 林 。 」 經 佢 一 改 果 然 係 好 。 過 三 十 分 鐘 ， 中 文 Ｙ 又 打 電 話 ： 「 諗 到 仲 好 ， 聽 住 ， 上 聯 係 ： 崇 德 修 文 共 慶 金 禧 曾 聽 濤 聲 讀 書 聲 遙 相 和 應 ， 下 聯 係 ： 基 平 礎 實 唯 傳 木 鐸 聚 論 國 事 天 下 事 師 法 東 林 。
2008-7-30
《蘋果日報》左丁山
No comments:
Post a Comment