大合照少一人

香港電台一名合約工人在職工作時突然死亡，家人要求港台發放恩卹金，港台根本莫財，唯有問政府，政府梗系照規矩辦事啦，合約工人根本無甚福利可言，如果該名不幸死亡人士系公務員又唔同講法，港台素來一台兩制，公務員人數已有多年凍結不變，大量聘請嘅長期合約工唔可以轉做公僕，於是同職不同待遇，今次就因為發生在職死亡事件，凸顯出矛盾，相信政府有排煩。

張敏儀離開港台後，港台是非好似特別多，邊個做處長都做到頭大，認真難搞。講起張大姐，最近政府新聞處慶祝成立五十年，開咗個大型酒會，曾特首、唐司長、黃司長以及歷任處長來張大合照，連陳祖澤老爺都請埋出嚟。

左丁山望住張大合照，望極都見唔到張敏儀，唔通現任處長黃偉綸唔記得咗請張大姐到場，或者奉命詐唔知？後來公關大姐大來電，叫左丁山唔好亂咁猜測，張大姐冇出席酒會，只因出埠旅行，不在香港啫。

又有咁啱嘅！記得又曾睇過一張大合照，就係機場金庫開幕之日，出席大人物有曾財神、機管局行政總裁許漢忠、商品交易所主席張震遠等，但唔見香港歷史悠久嘅金銀貿易場代表在，記得機場金庫之成立系唐財政司長、馬局長時期推動嘅，出主意嘅就有金銀貿易場人士，但如今落成開幕咯呙，金銀貿易場好似變成秋後扇，點解會咁嘅？

後來在馬場碰到有關人士，據講是曾財爺大力鼓吹香港成立商品交易所（Commodity Exchange），市建局主席張震遠系麥肯錫出身，非常醒目，立即籌辦一個商品交易所，支持曾財爺，反之，金銀貿易場就想自己開辦黃金期貨交易，唔合財爺脾胃噃。結果從來唔做黃金買賣嘅港交所後來居上，率先推出黃金期貨，但交投冷淡，而商交所又話好快推出黃金期貨，至於黃金貿易場嘅期貨交易申請，仍然留在冷宮雪藏。

有關人士話，香港作為金融中心，但在黃金方面，以前從無金銀期貨交易經驗嘅機管局、港交所、仍未開幕嘅商交所爭住嚟做，得政府支持，老經驗嘅金銀貿易場就企喺旁邊冇人理，有冇人明白其中道理呀？

24/sep/2009　

《蘋果副刊》 左丁山

1949遇故人

如果你是1949年代的人，過往60年失散重逢故人多的是。

1997？失散比離散的人少；說是一個轉折，少卻大時代的悲歡離合。

49與97都是數字遊戲好名字，自從香港蘭桂坊97餐廳開業，內地城市以數字冠名地標亦也不少。

祁文傑跟我說，吃大董的烤鴨不若去1949。

1949？啊，去過的，但跟烤鴨未能對號入座！

他發短訊傳地址過來：工體北路，盈科中心南面，離三里屯隔街之遙，的士來到街口，突然醒覺：當然來過，Gallery 49看過展覽，Taverna吃過地中海系菜式，Well Bar及Sugar Bar兩吧都是周末盡歡老朋友李孟夏最喜歡相約碰頭地方，北京星空下悠然安靜，淺喝輕談甚爽。

他也曾經說到The Hidden City（英文名字方便老外，本地人都統稱整個既通俗又有前49北京西方味濃書卷氣小區叫Club 1949），一直抗拒，氣氛不太對口徑，還是去大董罷，南新倉分店眾人都沒太壞評語（吾友劉健威持不同意見）。

最近跟「才女團」蔣芸領隊，張敏儀、葉潔馨、駱友梅、蘇狄嘉並李怡一夥名為向王老師永玉賀壽，實為食遊一趟北京，敏儀尋得香港馬會同一條金寶街走兩分鐘金寶匯分店，大家吃得十二分稱心（雖然芝麻燒餅還是馬會中餐廳的優勝無與倫比。）

終於，有幸祁文傑堅持，孫郁標、於常海與我吃了一頓精緻得沒話說的晚膳，除了肥美不油膩烤鴨，冷盤響螺片與芥辣鴨掌都清爽銷魂。運營總監（內地用詞，運營＝營運，素質＝質素，盒飯＝飯盒……在下認為更合邏輯；你會吃飯盒嗎？）

送上店中間附設Bolli香檳吧專門Bollinger香檳祝重逢……是重逢，葉中強Amin從前服務我舊時中環鄰居Va Bene，那裡與M At The Fringe都曾經是我飯堂。

多年失散原來在北京服務香港Elite Concepts旗下1949；總廚林金勝、林家豪全為港人，重遇不唏噓，重歡笑。



14/sep/2009　

《蘋果副刊》 鄧達智