Newsclipping - 16 Nov 2013

2013年11月16日


■前廣播處長張敏儀昨以環保袋上標語「站起來，說出聲」，鼓勵學生對不公義勇於發聲。謝榮耀攝

【電視風雲】
【本報訊】特首梁振英昨企圖以免費電視發牌問題複雜「耍」走巿民，惹怒前廣播處長張敏儀。張批評若非政府以「迂迴曲折」、「指鹿為馬」和「偷換概念」的方式解釋免費電視發牌政策，巿民絕不會不明白，而且解釋政策是政府責任，「如果有common sense（常識）嘅，大家都好易明白」。政府也不能以行會保密制作為擋箭牌，拒向市民交代。 記者：張嘉雯

張敏儀昨晚出席中大新聞系講座，談公共廣播的發展，其間主動提到免費電視牌照風波，認為太多免費電視會引來惡性競爭的說法「多餘」，「香港係自由競爭的嘅地方，五個中淘汰三個，未必係淘汰王維基」。
張敏儀認為只有公平競爭過，才能驗證誰被淘汰，「唔需要你預先話佢會執，所以唔俾佢做」。被問到會否擔心割喉式競爭，她反問「你會唔會怕太多supermarket（超級市場）吖？會唔會話太多藥房，太多人賣奶粉呢，太多鐘錶行同金舖？唔係咁講嘅」。

■中大新聞系昨舉辦講座，邀請張敏儀談公共廣播的發展。

「畀牌王維基第時管唔到」

張形容政府對拒發牌的解釋太多漏洞，認為發牌風波根本是一場政治事件，又引述自由黨周梁淑怡的說話，認為當局的想法是「畀個牌你（王維基），第時管唔到你」。
但她對王一直否認事件與政治有關的「半假話」並不苛責，「作為一個生意人，要繼續顧住佢嘅經營，好聰明地話唔相信關政治事，唔關中央事，只係關梁振英事」。
對於梁振英昨日指發牌問題複雜，巿民難以理解，張在講座後暗諷政府沒有常識，「𠵱家香港有樣嘢好缺乏嘅common sense，如果有common sense嘅嘢，大家都好易明白，如果政府政策成日都好迂迴曲折，指鹿為馬、偷換概念嘅方式嚟講呢，大家梗係唔明白啦」。
她指政府有責任用比較簡單的方式去解釋政策，「用有common sense的嘅方式嚟講到大家都明囉，唔可以話，你（市民）唔明囉、好複雜，咁就唔講」。

行會保密制不能做擋箭牌

張敏儀又稱行會保密制與發牌決定有否解釋清楚，完全是兩回事來，「根本冇解釋清楚發牌嘅條例，行會保密制是係另一回事，根本不能攞嚟做擋箭牌」。
她形容過去一個月發生的事，及過去一星期的衝擊「好得人驚」，令她感到灰心，原本以為傳媒已到了最危險的時候，但原來「沒有最（危險），只有更（危險）」。
張敏儀慶幸社會上尚有黃之鋒、鄧敏琳、何沛謙、伍珮瑩等人說出真話，證明香港「唔死得晒」，「社會上充滿住啲指鹿為馬、偷換概念、語言偽術的嘅人，（何沛謙、伍珮瑩）在商言商應該唔好得罪政府，但佢哋仍然願意講出事實，香港仲有前途」。

p.s. for a video on this, please click the below link.

reference: "a. daily", 16 Nov 2013, traced here: http://hk.apple.nextmedia.com/news/art/20131116/18510624

thanks to ms Lisa L for sharing.