張 敏 儀 做 臨 記

到 香 格 里 拉 食 午 餐 ， 聽 演 講 ； 午 餐 頭 盤 係 凍 沙 律 ， 以 番 茄 為 主 ， 極 為 健 康 ， 偏 偏 左 丁 山 唔 多 鍾 意 食 ， 兩 塊 就 算 ； 主 菜 係 一 嚿 魚 （ seabass ） ， 又 硬 又 韌 ， 食 半 就 冇 心 機 。 結 果 就 下 晝 四 點 就 腹 如 雷 鳴 ， 請 秘 書 叫 外 賣 ， 佢 叫 一 個 下 午 茶 餐 ， 牛 油 多 士 、 腸 仔 、 煎 雙 蛋 、 午 餐 肉 出 前 一 丁 （ 加 兩 蚊 ） 、 熱 檸 茶 ， 找 數 要 三 十 大 元 ， 食 到 飽 得 滯 。 晚 上 去 小 南 國 （ 銅 鑼 灣 ） 食 蟹 粉 石 頭 飯 、 灌 湯 生 煎 包 、 燒 刺 參 、 香 辣 牛 腩 （ 以 上 由 公 關 大 姐 大 推 薦 ） ， 恐 怕 裝 唔 落 肚 。

香 格 里 拉 宴 會 廳 內 ， 撞 到 張 敏 儀 大 姐 。 張 大 姐 上 個 禮 拜 去 東 京 小 遊 ， 星 期 六 晚 趕 返 ， 第 二 朝 就 去 投 票 選 區 議 員 ， 果 然 熱 心 ， 佢 話 ： 「 多 我 一 個 唔 多 ， 最 開 心 就 係 見 到 過 百 萬 人 去 投 票 站 ！ 」 星 期 日 晚 上 ， 張 大 姐 到 文 化 中 心 劇 院 觀 看 中 文 大 學 校 友 演 《 中 大 人 家 》 ， 自 願 上 台 做 臨 記 ， 與 鄭 海 泉 、 鍾 景 輝 、 古 天 農 及 其 他 一 班 校 友 在 台 上 行 行 企 企 ， 聽 主 要 演 員 講 對 白 。 張 大 姐 話 ： 「 套 劇 好 好 睇 ， 在 台 上 企 得 好 高 興 。 李 國 章 以 前 校 長 身 份 ， 中 場 休 息 之 時 突 然 在 後 台 出 現 ， 畀 大 家 一 個 大 驚 喜 ； 謝 幕 之 時 ， 大 家 請 佢 上 台 ， 李 局 長 好 投 入 。 」 點 止 投 入 呀 ， 左 丁 山 另 外 一 位 在 場 人 士 聽 到 ， 李 局 長 在 台 上 有 眼 濕 濕 ， 唔 知 係 唔 係 諗 番 做 校 長 容 易 過 做 局 長 呢 ？ 中 大 校 友 做 完 戲 之 後 ， 跟 十 二 月 六 日 在 會 展 中 心 搞 大 宴 會 ， 宴 會 主 席 係 郭 炳 聯 ， 負 責 節 目 就 係 張 敏 儀 ， 張 大 姐 話 賣 二 百 五 十 張 ， 編 排 大 傷 腦 筋 ， 每 張 加 多 一 個 位 都 唔 得 （ 會 展 中 心 唔 同 意 ） ， 更 加 有 校 友 不 斷 向 佢 撲 飛 撲 ， 佢 話 至 愛 親 朋 都 冇 法 子 容 納 喎 。

29/nov/2003

《蘋果副刊》左丁山